Fertugur karlmaður er ráðalaus eftir að hann rakst á systur sína á stað þar sem þú vilt alls ekki hitta skyldmenni.
„Ég sá systur mína í kynsvalli og núna eru hlutirnir skrýtnir á milli okkar. Ég er 40 ára og eiginkona mín er 38 ára. Við erum í opnu sambandi og förum reglulega í kynlífspartý,“ segir hann í bréfi sínu til Dear Deidre, kynlífs- og sambandsráðgjafa The Sun.
„Við höfðum saknað þess að fara í slík partý þegar takmarkanir voru vegna Covid en nú er byrjað að halda svona viðburði aftur. Í síðasta mánuði fórum við hjónin í partý með nokkrum swinger-vinum okkar.“
Maðurinn lýsir svo atvikinu sem hann langar helst að gleyma. „Seinna um kvöldið gekk ég inn í herbergi og sá mjög aðlaðandi konu stunda kynlíf með tveimur karlmönnum. Mér til skelfingar sá ég að þessi kona var systir mín, sem er 36 ára. Ég er ekki viss hvort hún hafi séð mig,“ segir hann.
„Ég hljóp út úr herberginu, fann eiginkonu mína og við fórum beint heim. Ég hef ekki talað við systur mína síðan. Ég veit ekki hvort ég muni einhvern tíma geta horft framan í hana aftur.“
Deidre svarar manninum.
„Æskan okkar hefur oft áhrif á kynlífshegðun okkar þannig það kemur kannski ekki á óvart að systir þín deilir áhuga þínum á orgíum. Þú ættir að láta eins og þú hafir ekki séð hana og reyndu að hegða þér eðlilega í kringum hana. En ef þetta er að trufla þig þá þarftu kannski að segja eitthvað. Þú getur prófað að senda henni skilaboð og spurt hvort hún vilji hittast í drykk til að spjalla,“ segir hún.