Það getur verið gaman að vera á stefnumótaforritum, kannski finnur þú ástina eða kynnist einhverjum skemmtilegum. En það getur líka verið martröðinni líkast.
Kona deilir sinni stefnumótahryllingssögu á TikTok. Tammy er í dag í sambandi en áður en hún kynntist eiginmanninum var hún í leit að amor á Tinder.
„Versta „match“ í heimi,“ segir hún. Hún og maður að nafni Dan „tengdust“ í gegnum Tinder. Eftir að hafa skipst á örfáum skilaboðum ákvað Dan að eyða ekki frekari tíma og sendi henni óumbeðna typpamynd. Ekki nóg með það segir Tammy að þetta hefði verið versta typpamynd sem hann hefði getað sent.
„Hann stóð fyrir framan stóran spegil, í hvítum sokkum og inniskóm. Hann var alveg nakinn og var að gefa þumallinn,“ segir hún.
Tammy átti ekki orð yfir myndinni, blokkaði manninn og reyndi svo að eyða myndinni úr minninu.
Spólum nokkrar vikur fram í tímann. Tammy var að sækja son sinn úr skólanum. „Og einhver sem ég þekki kynnir eiginmann sinn,“ segir hún.
Eiginmaðurinn var enginn annar en dóninn Dan. Tammy segir ekki nánar frá samskiptum þeirra þriggja annað en að hjónin séu ekki lengur saman í dag.
„Ekki fara á stefnumótaforrit og leita að konum í hverfinu þínu ef þú ert giftur,“ segir Tammy.