Aðdáendur helstu áhrifavalda og fyrirsætna hafa án efa ekki látið nýjustu kjólatískuna fara framhjá sér. Stjörnusysturnar Kylie Jenner og Kourtney Kardashian, ofurfyrirsætan Hailey Bieber og raunveruleikastjörnurnar Laura Anderson, Maura Higgins, Georgie Steel og Shannon Singh eru á meðal þeirra sem hafa birt myndir af sér í kjólum sem fylgja tískusveiflunni.
Um er að ræða kjóla sem eru opnir á óhefðbundnum stöðum. Til að mynda á hliðinni, miðjunni eða bara úti um allt. Svo virðist vera sem helstu áhrifavaldar og fyrirsætur heims séu að dýrka þessa kjóla þar sem þeim bregður fyrir á hverri myndinni á fætur annarri.
Athygli vekur að flestir þessarra kjóla eru opnir á hliðinni, oft fyrir miðju á líkamanum. Þess vegna hafa þau sem klæðast kjólnum yfirleitt ákveðið að sleppa því að klæðast nærbuxum með honum svo þær sjáist ekki. Líklega er þó eitthvað undir kjólnum sem hylur það allra heilagasta.
Hér fyrir neðan má sjá myndir af stjörnunum í kjólunum sem um ræðir: