Dóra Björt Guðjónsdóttir, borgarfulltrúi Pírata og  formaður Mannréttinda-, nýsköpunar- og lýðræðisráðs Reykjavíkur, tilkynnti í dag á Facebook að hún ætti von á barni ásamt manni sínum, Sævari Ólafssyni.

Um mánuður er síðan Dóra Björt skrifaði færslu á Twitter þar sem hún talaði um hversu ástfangin hún væri en hún fann ástina seint á síðasta ári í örmum Sævars sem er íþróttafræðingur.

Á Twitter skrifaði Dóra Björt: „Kæra dagbók. Ég er svo ástfangin að hjartað mitt hefur þurft að bókstaflega stækka undanfarna daga til að rúma þetta.“

Og hún var ekki síður kát í ársbyrjun þegar hún greindi opinberlega frá ástum þeirra Sævars:  „Af góðu bar hæst stóra stóra ástin sem fann mig svo óvænt. Eins og stormsveipur af töfradufti og stjörnuryki og regnbogaeinhyrningum. Fann mig og lýsti upp næturhimininn.“

DV óskar parinu innilega til hamingju.

Dóra Björt er yfir sig ástfangin – „Ótrúleg tilfinning að elska aðra manneskju á þennan hátt“