Fjölmiðlakonan og kabarett-drottningin Margrét Erla Maack birti færslu á Twitter-síðu sinni í dag þar sem hún sýnir skilaboðin sem útvarpsmaðurinn og Twitter-stjarnan Tómas Steindórsson sendi á hana á Tinder fyrir 5 árum síðan en þau byrjuðu saman fljótlega eftir það.
Margrét var á þessum tíma keppandi í spurningaþættinum Útsvar en Tómas var (og er ábyggilega ennþá) mikill aðdáandi spurningaþáttanna. Hann var þó enn meiri aðdáandi Margrétar í þættinum eins og fram kemur í skilaboðunum. „Bara svo það sé á hreinu þá varstu að matcha við your biggest fan í Útsvarinu. Hasstagg TEAMÚTSVAR,“ skrifaði Tómas í fyrstu skilaboðunum sem hann sendi á Margréti.
Í dag eru fimm ár síðan við @tommisteindors byrjuðum saman. Hann er myndarlegastur og fyndnastur og hér er besta tinderopnun allra tíma: pic.twitter.com/Zaq9DzwjGI
— Margrét Erla Maack (@mokkilitli) November 25, 2021
Ljóst er að skilaboðin slógu í gegn því í dag eru þau Margrét og Tómas saman og hafa verið það í um 5 ár. Þá eignuðust þau dóttur saman fyrir rúmum tveimur árum síðan. Það er alltaf gaman að sjá þegar ástin nær að blómstra svona, ekki síst þegar upphaf hennar er svona skemmtilegt.
