Fyrrverandi kappaksturskonan og núverandi klámstjarnan Renee Gracie afhjúpar furðulegustu beiðnirnar sem hún fær á OnlyFans.
Renee, 26 ára, er gestur í hlaðvarpsþættinum Kinda Sorta Dating. Hún ræðir um hvernig það var að færa sig úr kappakstursbransanum í klámbransann, hvað hún vill að fólk viti um bransann og hvernig það er að þéna á þennan hátt.
Jana Hocking, fjölmiðlakona og hlaðvarpsstjórnandi Kinda Sorta Dating, spyr Renee hvort hún hefði getað ímyndað sér að starfa við þetta fyrir nokkrum árum. „Alls ekki, engan veginn,“ segir Renee.
„Ég hélt ég myndi aldrei geta þetta. En ég held að með því að vera í kappakstri, þá ertu alltaf í svo mikilli adrenalín vímu. Ég var að leita að einhverju til að taka við af spennunni. Ég var enn með minn aðdáendahóp, það var enn fólk að fylgja mér. Og ég var að leita að einhverju spennandi, einhverju sem myndi gefa mér þessa tilfinningu.“
Renee skráði sig á OnlyFans. „Það fyllti þetta tómarúm innra með mér […] þannig ég held að það sé ástæðan fyrir því að þetta æxlaðist svona.“
Fyrrverandi kappaksturskonan segir að þetta varð sérstaklega spennandi eftir að aðdáendahópur hennar stækkaði og hún byrjaði að þéna meiri pening. Það eru nú komin tvö ár síðan hún byrjaði á OnlyFans og fær hún nokkrar milljónir á mánuði í vasann.
View this post on Instagram
Aðspurð hvers konar efni hún selur á OnlyFans svarar Renee: „Allt.“
„Þegar ég byrjaði sýndi ég ekki neitt en núna er ekki partur af líkama mínum sem ég er ekki búin að sýna.“
Renee fer reglulega í kynþokkafullar myndatökur. „Síðan geri ég myndbönd. Allt frá fótamyndböndum í myndbönd af mér borða mat, fara úr eða í brjóstahaldarann, fara í buxur, bara allt það skrýtna sem þér dettur í hug að einhver myndi vilja sjá, og líka það sem er grófara,“ segir hún og útskýrir nánar.
„Þannig stelpa og strákur saman, ég geri líka sóló myndbönd, ég svara sérstökum beiðnum, fólk biður mig um að reykja sígarettu eða borða ákveðin matvæli eða að ég og félagi minn gerum ákveðna hluti. Þannig í raun bara hvað sem er á því fjölbreytta rófi sem fullorðinsefni (e. adult conent) er á.“
View this post on Instagram
Hún afhjúpar síðan hver sé furðulegasta beiðnin sem hún hefur nokkurn tíma fengið. Renee segir að tími hennar í klámbransanum hefur vissulega breytt því sem henni finnst „furðulegt.“
„Mér finnst frábært að skapa vettvang fyrir fólk með mismunandi þrár og blæti, þar sem það getur beðið um það án þess að vera dæmt, ég kann að meta það við OnlyFans. En ég myndi segja hlutir eins og handarkrikar, eins og að sleikja handarkrika eða strjúka handakrika og þannig. Mér finnst prumpmyndbönd enn mjög skrýtin. Fólk hefur beðið mig um að kremja banana með fótunum,“ segir hún.
„Þannig það eru ennþá nokkrir hlutir sem ég skil ekki alveg af hverju fólk vill en ég geri þá samt.“
Eina sem Renee gerir ekki er það sem brýtur lögin. „Ég geri ekki það sem mun koma mér í vandræði eða brýtur lögin,“ segir hún.
