Það er alltaf smá stressandi að fara á fyrsta stefnumót. Ekki hjálpar það ef aðilinn sendir þér óvart skilaboð sem voru ekki ætluð þér.
Meag var að gera sig klára fyrir fyrsta stefnumót með manni sem hún kynntist á stefnumótaforritinu Hinge.
Hún birtir skjáskot af samskiptum þeirra í myndbandi á TikTok sem hefur fengið yfir sex milljónir í áhorf á einum sólarhring.
Ástæðan er sú að maðurinn sendi henni óvart skilaboð sem voru ekki ætluð henni.
Fyrst má sjá skilaboð hennar til hans: „Við skulum hittast þarna í þetta skipti. Er það í lagi?“ Spyr hún.
„Klárlega. Skil það vel. Ætli ég verði ekki að sanna að ég sé ekki að fara að myrða þig.“
Síðan sendir hann henni mynd af Hinge prófílnum hennar og skrifar með: „Deitið mitt á morgun [grátandi hlæjukall] og ekki hlæja. Hún er vingjarnleg og fyndin en klárlega blah.“
Maðurinn ætlaði að senda skilaboðin á vin sinn en ekki hana.
Netverjar voru orðlausir yfir mistökum mannsins og spurðu margir hvernig hann reyndi að bæta upp fyrir þetta. Meag sagði að hann hefði ekki einu sinni reynt það. „Ég sendi honum skilaboð næsta dag og sagði: „Já ég ætla að segja pass.“ Og hann svaraði þeim aldrei.“
@uhmeagzing @hinge where is my refund #fyp ♬ abcdefu – GAYLE