Heidi Aragon er bandarískur einkaþjálfari. Hún var á dögunum í ræktinni að æfa þegar hún tók eftir karlmanni sem var að stara á hana. Eftir smá tíma fór henni að þykja það mjög óþægilegt og kallaði á eiginmann sinn sem var á æfingu með henni og bað hann um að æfa við hliðina á sér í von um að maðurinn myndi hætta.

En svo var ekki. Hún endaði með að tala við manninn og biðja hann vinsamlegast um að hætta. Maðurinn neitaði að hafa gert nokkuð rangt en það sem hann vissi ekki var að Heidi tekur upp æfingarnar sínar og var hún því með sönnun fyrir hegðun hans.

„Þessi krípí gamli gaur í ræktinni var alltaf að koma nálægt mér og stara á mig,“ segir hún. Eftir að það virkaði ekki að hafa eiginmann hennar við hliðina á sér ákvað hún að stara á hann til baka.

„Ég hélt að hann væri búinn að ná þessu. Ég reyndi að halda áfram að æfa en fékk að lokum nóg og talaði við hann,“ segir hún.

„Ég sagði að ef hann ætlaði að æfa í þessu horni þá þyrfti hann að hætta að stara og láta mér líða óþægilega. Hans svar var: „Ég er bara að skoða í kringum mig.“ Ég sagði honum þá að ég tek upp allar æfingarnar mínar og er með hann á myndbandi. Hann var fljótur að þegja.“

Hún birtir myndband frá atvikinu á TikTok. Yfir milljón manns hafa líkað við það og tekið henni fagnandi fyrir að hafa sagt eitthvað við manninn.

„Vel gert að láta hann heyra það. Þessir menn fara bara til að stara á konur en ekki til að æfa. Er alltaf að sjá það,“ segir einn netverji.

Sjá einnig: Hann hafði verið að áreita hana í marga mánuði – Augnablikið sem hún lætur hann heyra það

Því miður er þetta ekki einsdæmi. Í byrjun nóvember greindum við frá því að kona lét mann, sem hafði verið að áreita hana í marga mánuði, loksins heyra það. Það kom seinna í ljós að það væri þegar búið að gefa út handtökuheimild gagnvart manninum fyrir að eltihrella aðra konu.

Horfðu á myndbandið hér að neðan.

@fit_with_heidiDon’t sit there and tell me you’re not doing something when I have proof. 😡 ##gymtok ##fittok ##influencer ##viral ##trending ##tiktok ##fitness ##gym ##gymgirl ##fyp ##fypシ ##foryou ##foryoupage ##gymcreeps♬ Real As It Gets – Lil Baby