Luana Sandien, PlayBoy-fyrirsæta frá Brasilíu, er ákaflega hrifin af hrekkjavökunni. Það eru þó ekki bara búningarnir og sælgætið sem valda aðdáun Sandien á hátíðinni.

Sandien komst nefnilega að því á hrekkjavökunni að hún laðast að sjálfri sér. „Ég fékk fyrstu fullnæginguna mína þegar ég var í klædd í hrekkjavökubúning,“ segir fyrirsætan í færslu sem hún birti á Instagram-síðu sinni en DailyStar vakti athygli á færslunni.

Í umræddri færslu opnar Sandien sig um það þegar hún komst að því að hún laðast að sjálfri sér. Hún segist hafa horft á sig í speglinum á meðan hún var klædd í búning og gert sér þá grein fyrir þessu. „Ég var hrifin af sjálfri mér. Mér hefur alltaf liðið svona, ég vissi bara ekki að það væri til nafn fyrir þetta,“ segir hún.

„Það er gott að vita að ég er ekki klikkuð, eða með brjálaðslega sjálfshverf, þetta er raunverulegt og það er fullt af fólki eins og ég. Það var mjög mikilvægt fyrir mig að komast að því að ég er ekki ein. Það var alltaf hluti af mér sem fannst þetta vera skrýtið en þetta þýðir bara að ég elska sjálfa mig aðeins meira en flestir, ég er bara ánægð með sjálfa mig og útlitið mitt.“

Þá segir Sandien að hún hlakki til hrekkjavökunnar á hverju ári. „Þetta er ein af uppáhalds hátíðunum mínum, ég var svo leið að við misstum af henni í fyrra. Hrekkjavakan minnir mig á það hvernig ég uppgötvaði sjálfa mig.“