Tilly Ramsay, dóttir stjörnukokksins Gordon Ramsey, hefur nú svarað fyrir sig eftir að hafa verið fitusmánuð af útvarpsmanninum Steve Allen.
Tilly er einn af þátttakendum raunveruleikaþáttarins og danskeppninnar Strictly Come Dancing á BBC og Steve Allen lét ummæli falla um útlit Tilly á útvarpsstöðinni LBC í Bretlandi, sem hafa vakið töluverða úlfúð. Málið hefur undið upp á sig og fjalla helstu fjölmiðlar Bretlands um málið.
„Hún er þybbið lítið grey er það ekki? Hefurðu tekið eftir því? Ég myndi halda að það sé eldamennsku föður hennar að þakka,“ sagði Steve Allen í morgunþætti LBC í gærmorgun.
Tilly gaf út yfirlýsingu í kjölfarið á Instagram og sagði að Steve hefði „gengið of langt.“ Hún sagði að fólk hefði fullan rétt á að tjá skoðanir sínar en að hún dragi línuna við athugasemdir um útlit sitt.
View this post on Instagram
Þetta voru ekki einu ummælin sem Steve lét falla um Tilly. „Hún getur ekki dansað, ég er strax orðinn leiður á henni.“
Tilly, sem er 19 ára, beindi orðum sínum að Steve í færslunni. Hún sagðist „ekki að ætla að láta það viðgangast að það sé í lagi að gagnrýna útlit eða þyngd einhvers opinberlega.“
Hún sagðist venjulega reyna að hunsa það sem er skrifað eða sagt um hana en að vera gagnrýnd „af 67 ára karlmanni í útvarpi á landsvísu er of langt gengið.“
Þetta er ekki í fyrsta sinn sem Tilly hefur þurft að þola ljótar athugasemdir um útlit sitt. Hún sagðist enn vera að læra að elska sjálfa sig og að orð geti sært.
Eftir að hafa birt yfirlýsinguna hefur stuðningskveðjunum rignt yfir hana. Aðrar Strictly Come Dancing stjörnur hafa einnig stigið fram og fordæmt ummæli Steve. Fólk kallar nú eftir því að Steve verði rekin fyrir vegna málsins og hefur fjöldi hlustenda lagt inn kvörtun gegn útvarpsmanninum. Hann hefur hingað til ekki tjáð sig um málið.
