Sigga Dögg, kynfræðingur, hefur þónokkrum sinnum lent í banni á samfélagsmiðlum vegna „óviðeigandi“ mynda, eins og hún sjálf kemst að orði. Nú síðast í gær þegar hún birti mynd af fyrsta gráa píkuhárinu sínu á Instagram.
Sigga Dögg greinir frá þessu á heimasíðunni sinni þar sem hún jafnframt birtir mynd af píkuhárinu og veltir því upp hvort það sé hreinlega ekki líklegra til vinsælda að hún birti „óviðeigandi“ myndir frekar á heimasíðunni til að vera ekki sífellt að lenda í samfélagsmiðlabanni.
„Kannski get ég hýst og birt allar myndirnar mínar hér! Á minni eigin síðu!,“ segir hún í færslu á heimasíðunni Siggadogg.is.
Þá útskýrir hún myndina af píkuhárinu:
„En hvað varðar þessa mynd þá var ég að fara í sturtu og tek sumsé eftir því að hvítur þráður stendur útí loftið og starir á mig, og þarna, innan um dökkan brúskinn var mitt fyrsta gráa píkuhár!
Mig hafði bara einhvern veginn ekki dottið í hug að ég myndi byrja að grána á píkunni!!
Svo ég fékk smá sjokk – greip símann og fangaði augnblikið, rétt eins og maður gerir við alla merkisviðburði í lífinu… 🙂
Og verði þér að því!
Eitt langt grátt hár!“