Líf klámstjarnanna er oftar en ekki sveipað ljóma en raunveruleikinn er gjarnan ólíkur glansmyndinni. Riley Reid, ein vinsælasta klámstjarna síðari ára, opnaði sig nýverið um klámstjörnuferilinn sinn og hvernig það er að finna ástina sem klámstjarna.
Riley var nýverið gestur í hlaðvarpinu Tap In en þar spurði Harry Jowsey, stjórnandi hlaðvarpsins, hvort það hafi ekki verið erfitt að finna ástina þegar hún var á fullu í kláminu. „Jú það var mjög erfitt,“ svaraði Riley. „Það er reyndar einmitt ástæðan fyrir því að ég hætti að gera klám með strákum,“ segir hún svo en ári eftir að hún hætti því hitti hún eiginmann sinn, íþróttamanninn Pavel Petkuns.
„Það var mjög erfitt að leita að ástinni á meðan ég var í þessum bransa,“ segir Riley en hún hugsaði að hún væri búin að sinna ferlinum nógu vel, nú vildi hún lifa lífinu og finna hinn eina sanna „Þá hætti ég bara að gera klám með strákum og ég fann í kjölfarið framtíðina mína.“
Í þættinum opnaði Riley sig líka um það hvernig hún kynntist eiginmanni sínum. „Mér líkaði við hann og mig langaði að senda honum skilaboð í gegnum Instagram. Þegar hann birti færslu um bók sem ég var búin að lesa hugsaði ég að það væri leiðin mín inn,“ segir hún og bætir við að það getur verið erfitt fyrir klámstjörnur að taka fyrsta skrefið í samræðum sem þessum.
„Sem klámstjarna þá var erfitt fyrir mig að senda þeim bara skilaboð. Í fyrsta lagi er það alltaf erfitt en í öðru lagi þá halda allir að ég sé bara að hafa samband við þá til að sjúga á þeim typpið,“ segir hún. „Svo ég hugsaði hvernig ég gæti sagt honum að ég vildi sjúga hann en ég vildi líka tala við hann?“
Ljóst er að Riley náði að skrifa hin fullkomnu opnunarskilaboð þvi í dag eru hún og Pavel gift. Hún segir í þættinum að sambandið hafi þróast hratt en þau ákváðu að gifta sig eftir að hún varð ólétt. Hún missti fóstrið en þau ákváðu að gifta sig þrátt fyrir það og eru í dag mjög hamingjusöm. „Hann er bara mjög, mjög indæll náungi,“ segir hún svo um eiginmann sinn.