Atli Fannar Bjarkason, sem margir landsmenn þekkja úr þættinum Vikan með Gísla Marteini á RÚV, á að baki langan feril sem fjölmiðlamaður. En hann færir út kvíarnar og ætlar að gerast líkamsræktareigandi. Hann greinir sjálfur frá þessu á Twitter.
„Við vinirnir erum að opna líkamsræktarstöð í Skógarhlíð. Erum á fullu í framkvæmdum og ætlum að leyfa fólki að fylgjast með framvindunni [á Instagram],“ segir hann.
Við vinirnir erum að opna líkamsræktarstöð í Skógarhlíð. Erum á fullu í framkvæmdum og ætlum að leyfa fólki að fylgjast með framvindunni hér: https://t.co/A86biF7krj
— Atli Fannar (@atlifannar) October 13, 2021
Stöðin mun heita Afrek og mun opna í desember 2021.
Atli Fannar og félagar hafa einnig stofnað Facebook-hóp þar sem áhugasamir geta fylgst með „líkamsræktarstöð verða til.“
Atli Fannar er fyrrverandi stofnandi og ritstjóri Nútímans. Þar áður var hann millistjórnandi í fjölmiðlasamsteypunni 365 og tók við starfi verkefnastjóra samfélagsmiðla og vefmiðlunar á RÚV í september 2019.