Loksins, loksins geta aðdáendur hryllingsmyndanna Scream tekið gleði sína á ný en snemma á næsta ári verður fimmta myndin í röðinni frumsýnd. Sú fimmta mun taka upp þráðinn þar sem fjórðu myndinni lauk og munu helstu leikarar fyrri myndanna fara með gömlu góðu hlutverkin.
Þau eru: Neve Campell, David Arquette, Roger L. Jackson og Marley Shelton.
Hins vegar er það nýir leikstjórar sem standa að baki myndinni en leikstjóri fyrri myndanna, Wes Craven, lét lífið árið 2015. Leikstjórar fimmtu myndarinnar eru Matt Bettinelli-Olpin og Tyler Gillett.
Söguþræði fimmtu myndarinnar er lýst með eftirfarandi hætti:
„Tuttugu og fimm árum eftir að röð hrottalegra morða hryllti íbúa smábæjarins Woodsboro hefur nýr morðingi tekið við kefli og grímu Ghostface og beinir spjótum sínum að hópi unglinga til að koma leyndarmálum bæjarins upp á yfirborðið.“
Fjórða Scream-myndin kom út árið 2011 og því hefur biðin eftir næsta innslagi í þessu vinsælu kvikmyndaröð verið beðið með töluverðri eftirvæntingu.
Stikla myndarinnar var opinberuð í dag og má sjá hana hér fyrir neðan.