Sjónblekking sem upprunaleg er eignuð BBC Horizon hefur nýlega vakið mikla athygli á samfélagsmiðlum. Myndin var upprunalega sýnd á BBC árið 1985 og var nýlega deilt á samfélagsmiðlum BBC. Á myndinni má sjá breska fánann í öðrum litum en vanalega, gulur, svartur og grænn. Eins er að finna punkt í miðju myndarinnar.
Til að upplifa sjónblekkinguna á lesandi að stara á punktinn í miðjunni í um 20 sekúndur og líta svo á hvítu myndina fyrir neðan. En þá ætti fáninn að birtast í réttum litum.
Í BBC þættinum þar sem myndin var birt segir þáttstjórnandi að sjónblekkinguna megi skýra með kenningu Thomas Youngs um að litasjónin leiði af aðgerðum þriggja mismunandi viðtaka.
Í auganu er að finna þrjár tegundir litaviðtaka, keilur. Þegar þú starir á græna hlutan á myndinni þá verða grænu og bláu viðtakarnir þreyttir og svara minna en vanalega þegar hvíta myndin kemur upp. Hins vegar virka rauðu viðtakarnir, sem voru ekki notaðir, eðlilega. Þetta ójafnvægi veldur því að þú sérð rautt á hvíta bakgrunninum.
Sömuleiðis þreyta gulu hlutar fánamyndarinnar rauðu og grænu keilurnar og þegar þú horfir á hvítu myndina eru það bara bláu keilurnar sem virka eðlilega. Þess vegna verður það liturinn sem við sjáum í staðinn fyrir gult.
Þetta virkar svipað hjá mörgum litblindum einstaklingum sem skortir oft keilur fyrir tiltekinn lit. Þess vegna sjá þeir öðruvísi útgáfu af þeim lit.
Prófaðu þetta ! Starðu á punktinn í miðjunni í 20 sek og skrollaðu svo niður og starðu á hvítu myndina
