fbpx
Þriðjudagur 28.september 2021
Fókus

„Við ákváðum að láta börnin okkar vita í hvert skipti sem við stundum kynlíf “ – Þetta er ástæðan

Guðrún Ósk Guðjónsdóttir
Þriðjudaginn 5. janúar 2021 11:11

Jamie Beth Cohen.

Ekki missa af Helstu tíðindum dagsins í pósthólfið þitt

Lesa nánar

Móðir ein segist vera hreinskilin við börnin sín um hvenær hún stundar kynlíf. Rithöfundurinn Jamie Beth Cohen greinir frá þessu í pistli á HuffPost.

Jamie á tvö börn sem eru átta ára og ellefu ára. Hún lætur þau vita í hvert skipti sem hún og eiginmaður hennar stunda kynlíf og segir að kynlífið sé mun betra fyrir vikið.

Áður fyrr vildi hún helst stunda kynlíf þegar börnin voru ekki heima en eftir að kórónuveirufaraldurinn skall á þá hefur það verið nær ómögulegt.

„Eftir nokkurra mánaða sjálfskipaða sóttkví þá leið mér eins og ég væri að stelast þegar ég svaf hjá eiginmanni mínum, og ekki á góðan hátt […] Ég ákvað að segja börnunum nákvæmlega hvenær við værum að stunda kynlíf,“ segir Jamie í pistlinum á HuffPost.

Hún segir að hún hafi ekki getað haldið því leyndu lengur þar sem henni leið eins og hún væri að „ljúga“ að börnunum. Hún sagði við börnin sín: „Ef ég loka dyrunum og kveiki á viftunni á ganginum, þá vil ég að þið látið okkur í friði. Við erum að stunda kynlíf.“

Mynd/Getty

Jamie segir að fyrstu viðbrögð barnanna hafi verið að flissa og fara hjá sér. En þau hafi látið hjónin í friði.

Í kjölfarið gátu þau stundað kynlíf og hafa þau orðið nánari fyrir vikið. Að sögn Jamie hefur það verið „guðsgjöf“ að tengjast eiginmanni sínum á ný á þennan hátt á þessu erfiða ári. Fyrst þau geta ekki farið út að borða og á stefnumót, þá ætla þau að „stunda gott kynlíf.“

Jamie er meðvituð um að sumum foreldrum þykir þetta skrýtið og of mikil hreinskilni en hún telur þetta borga sig þegar til lengri tíma er litið.

„Ég vona að þegar kemur að því að þau byrja að hugsa um kynlíf eða stunda kynlíf, þá muni þau ekki líta á það sem skömm eða leyndarmál eins og ég gerði, og þau nálgist það þar af leiðandi öðruvísi. Og vonandi munu þau kunna að meta hversu vænt foreldrum þeirra þykir um hvort annað.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 3 dögum

Mikill hiti í umræðum á Matartips – Mældi pítsuna sína – „VÖRUSVIK“

Mikill hiti í umræðum á Matartips – Mældi pítsuna sína – „VÖRUSVIK“
Fókus
Fyrir 4 dögum

Sigmundur svarar fyrir stóra brauðtertumálið – „Eftir 12 ár kom loks að því að ég þyrfti að takast á við erfitt mál í pólitík“

Sigmundur svarar fyrir stóra brauðtertumálið – „Eftir 12 ár kom loks að því að ég þyrfti að takast á við erfitt mál í pólitík“
Fókus
Fyrir 4 dögum

Fyrrum kennari ætlar sér að gera klám í geimfari Elon Musk

Fyrrum kennari ætlar sér að gera klám í geimfari Elon Musk
Fókus
Fyrir 4 dögum

Helgi Ómars var í ofbeldissambandi í átta ár – „Ég var í sambandi með, að ég hélt, ástinni í lífi mínu“

Helgi Ómars var í ofbeldissambandi í átta ár – „Ég var í sambandi með, að ég hélt, ástinni í lífi mínu“
Fókus
Fyrir 5 dögum

Lesa upp ljótar athugasemdir – „Mig langar að hlæja en ég er svo ógeðslega bótoxuð að ég get það ekki“

Lesa upp ljótar athugasemdir – „Mig langar að hlæja en ég er svo ógeðslega bótoxuð að ég get það ekki“
Fókus
Fyrir 5 dögum

Gera allt vitlaust berar að ofan í „sjóðheitri“ myndatöku

Gera allt vitlaust berar að ofan í „sjóðheitri“ myndatöku