Ella Emhoff, stjúpdóttir varaforseta Bandaríkjanna Kamölu Harris, er komin á samning hjá umboðsskrifstofu.
Það er vika síðan Ella vakti athygli á innsetningarathöfn Joe Biden forseta Bandaríkjanna og stjúpmóður sinnar, Kamölu Harris varaforseta Bandaríkjanna. Nú er hún komin á samning hjá IMG Models, New York Times greinir frá.
Margar af stærstu fyrirsætum heims eru eða hafa verið á skrá hjá IMG Models, eins og Kate Moss, Miranda Kerr, Gigi Hadid og Hailey Bieber.
„Þetta snýst ekki lengur um lögun, stærð eða kyn lengur,“ sagði Ivan Bart, forstjóri IMG Models, um nýjustu viðbótina stofuna. Hann sagði að neytendur dragist að fólki sem er það sjálft, fólki sem einlægt.
View this post on Instagram
Áhugi IMG Models kom Ellu verulega á óvart. „Ég var frekar hissa þegar IMG hafði samband, því það var aldrei í kortunum hjá mér að vera fyrirsæta þegar ég var yngri,“ sagði Ella við New York Times.
„Ég, eins og svo margar aðrar ungar stelpur, hef átt erfitt með sjálfsímynd. Það er ógnvekjandi að fara út í heim sem er svo einblíndur á þig og líkama þinn,“ sagði hún og bætti við að hún sér sig sem meira en einhver gína og að hún væri spennt að vera „hluti af breytingunni“.
Ella Emhoff er dóttir Douglas Emhoff, eiginmanns Kamölu Harris. Hún er 21 árs og er með þó nokkur tattú sem hún eða vinir hennar hafa gert. Þar til nýlega var hún að selja eigin hönnun á EllaEmhoff.com.
View this post on Instagram