Hlaðvarpsdrottningin og áhrifavaldurinn Tinna Björk Kristinsdóttir, betur þekkt sem Tinna Bk, varð 31 árs í gær. Sólrún Diego, sem flestir landsmanna þekkja sem þrifglaða áhrifavaldinn, varð þrítug í gær. Báðar samfélagsmiðlastjörnurnar fögnuðu í gær með glæsibrag. Þegar kemur að afmælisveislum taka áhrifavaldar fögnuð á allt annað plan, hugsanlega því veitingastaðir, hótel og aðrir staðir vilja ólmir fá áhrifavaldana til sín til að auglýsa staðinn. Enda fór það ekki framhjá neinum hvar Tinna og Sólrún fögnuðu afmæli sínu.
Tinna byrjaði daginn á því að fara út að borða með sínum heittelskaða, Ingólfi Grétarssyni, betur þekktur sem Gói Sportrönd. Þau fóru svo í Reykjavík Natura Spa.
Síðan var ferðinni heitið til Keflavíkur þar sem Tinna fékk sér kvöldverð með Ingólfi og vinkonum sínum, meðal annars áhrifavaldinum og söngkonunni Camillu Rut. Kvöldinu var ekki lokið, þau auðvitað fengu sér eftirrétt og svo var farið upp í svítuna á Hótel Keflavík. Þar opnuðu vinirnir kampavín og sagðist Tinna vera „orðlaus yfir þessum afmælisdegi.“ Kvöldið endaði síðan í heita pottinum í svítunni.
Þau á Hótel Keflavík virðist vera dugleg að fá til sín áhrifavalda til að auglýsa staðinn. Áhrifavaldaparið Tanja Ýr Ástþórsdóttir og Egill Halldórsson hafa dvalið þar, einnig fyrirsætan Bryndís Líf og World Class-erfinginn Birgitta Líf ásamt dansstjörnunni Ástrós Trausta og fleiri vinkonum. Í öll skiptin hafa áhrifavaldarnir verið duglegir að sýna frá fína kvöldverðinum, kokteilunum og auðvitað lúxussvítunni.
Í gær fagnaði Sólrún Diego þrítugsafmæli sínu. Vinkona hennar og áhrifavaldurinn Lína Birgitta var dugleg að deila myndum frá kvöldverðinum, sem var haldinn á veitingastaðnum No Concept á Hverfisgötu.
Hringbraut vakti athygli á því að Camilla Rut hafi ekki verið gestur í afmælisveislu Sólrúnar, heldur Tinnu. En það þykir athyglisvert vegna þær stöllur voru um tíma óaðskiljanlegar. Svo nánar að þær voru með hlaðvarpsþátt saman og töluðu nær daglega um hvor aðra. Nýlega lagði Hringbraut fram þá kenningu að eitthvað hafi gerst á milli þeirra, þar sem þær væru hættar að minnast á hvor aðra eða líka myndir hvor annarrar á Instagram.