Ung kona að nafni Andrea Lopez birti á dögunum myndband á TikTok, samfélagsmiðlinum vinsæla. Myndbandið á að sýna hvernig hægt er að komast að því ef maki er að halda framhjá. „Svona kemstu að því hvort maðurinn sé að halda framhjá þér,“ skrifar Andrea við myndbandið.
„Stelpur, ef þið viljið komast að því hvort maðurinn ykkar er að halda framhjá ykkur, fáið ykkur svona,“ segir Andrea og sýnir rúllu sem notuð er til að taka hár af fötum. Andrea segir að hægt sé að taka rúlluna og rúlla yfir teppi á heimilinu. Myndbandið vakti athygli á TikTok en The Sun vakti einnig athygli á því.
Andrea kemur síðan með sýnikennslu og rúllar yfir teppið með rúllunni. Þegar hún lyftir síðan rúllunni upp er hún full af ljósrauðum hárum. Andrea stöðvar þá myndbandið og segir síðan að hárið sitt sé svart. „Hann þarf að útskýra ýmislegt,“ segir hún svo í lokin.
Eins og áður segir hefur myndbandið vakið mikla athygli en rúmlega 12 milljónir hafa horft á það á TikTok. Tæpar þrjár milljónir hafa líkað við það en þá má einnig finna mikið af áhyggjufullum athugasemdum við myndbandið. „Þetta er ekki einu sinni líkt hárinu þínu,“ sagði ein. „Þetta er RAUTT,“ sagði önnur.
Einn notandi TikTok benti svo á að þetta ráð gæti gert út um mörg sambönd. „Ég býst við að allir verði einhleypir eftir þetta.“
@andrea.lopez44He has some explaining to do😡(Following the next 100 people on IG: Andrea.Lopez44) ##fyp ##viral ##prank ##cheater ##couple ##funny♬ original sound – Andrea Lopez 😋