Líf leikarans getur virst töfrandi að utan, en stjörnurnar ræða sjaldan um áhrifin sem það hefur á þær að taka að sér alvarleg og erfið hlutverk.
Nicole Kidman opnar sig um þetta málefni í hlaðvarpsþætti Marc Maron, WTF With Marc Maron. Hún afhjúpar hvaða áhrif hlutverk hennar í Big Little Lies og The Undoing höfðu á hana, bæði andlega og líkamlega, og segir aukaverkanirnar hafa verið „óhugnanlegar“. Meira að segja eftir að tökum lauk.
Nicole útskýrir að, sérstaklega með þessi hlutverk, verður hún nánast að karakternum.
„Ég upplifði þetta meira að segja í tökum fyrir The Undoing. Ég var allt í einu komin á þennan stað að… Ég upplifði einhvern óróleika í persónuleika mínum, ég var kvíðin og óviss um hver ég væri,“ segir hún.
Nicole fer með hlutverk konu í The Undoing sem er flækt í morðmál eiginmanns síns. Nicole segir að hún hafi orðið „mjög veik“ þegar tökur stóðu yfir.
„Ég var rúmliggjandi í viku, því ónæmiskerfið þitt þekkir ekki muninn á því þegar þú ert að leika og raunveruleikanum,“ segir hún.
Nicole telur að þetta sé algengt meðal leikara en að flestir geta vanið líkama sinn á að vita hvenær þetta er bara leikur. „En það virkar ekki fyrir mig,“ segir hún.
Oftar en ekki líður Nicole líkamlega mjög illa eftir tökur og sefur einnig illa. „Þetta er mjög óhugnanlegt,“ segir hún.
