Sex and the City, eða Beðmál í borginni eins og það kallast á íslensku, mun snúa aftur þar sem HBOMax hefur ákveðið að vekja þættina aftur til lífsins.
Sara Jessica Parker, Cynthia Nixon og Kristin Davis, aðalstjörnur Beðmálanna, tilkynntu allar um endurkomuna á samfélagsmiðlum sínum í gærkvöldi. „Ég get ekki annað en hugsað um það… hvar eru þau núna?“ skrifaði Sarah Jessica Parker með færslunni um þættina sem hún deildi á Instagram.
Talið er víst að leikkonurnar þrjár snúi allar aftur í sín eigin hlutverk í þessum þáttum sem HBOMax ætlar að framleiða.
Kim Cattrall, sem lék hina vinsælu Samantha Jones í þáttunum, hefur hins vegar ekki deilt neinu á samfélagsmiðlana sína um endurkomu þáttanna. Því er ekki búist við því að hún snúi aftur.
View this post on Instagram