Við fengum álitsgjafana Bergþóru Magnúsdóttur búningahönnuð, Elísabetu Gunnars tískubloggara, og Kormák Geirharðsson verslunarmann til að fara yfir bestu og verstu trend ársins.
Sjá einnig: Best klæddu Íslendingarnir 2020
„Joggarar (e. sweatsuits) náðu nýjum hæðum árið 2020 og það er svo sannarlega mitt uppáhalds trend á árinu. Trend sem heldur bara áfram því öll tískuhúsin virðast vera að vinna með notalegheitin inn í nýja árið.“
-Elísbet Gunnarsdóttir
„Persónulega vann ég líka mikið með hárklemmur og derhúfur – bæði skemmtileg trend sem setja punktinn yfir i-ið.“
-Elísbet Gunnarsdóttir
„Sérstakt íslenskt trend – fólk velur íslenska hönnun meira en áður. Að styðja við okkar hæfileikafólk í hönnun er einmitt málið!“
-Elísbet Gunnarsdóttir
„Ég er búinn að vera í „rúllara“ svolítið lengi en mér finnst að fleiri hafi verið að uppgötva hann í ár.“
-Kormákur Geirharðsson
Verð ég ekki að svara þessu undir boðorði hinnar heilögu þrenningar og segja grímur. Við erum öll almannavarnir en sem betur fer er grímuflóran litrík og fjölbreytileg og lýsir þannig upp sóttvarnadrungann sem væri hræðilegur ef allir væru með hvítar einnota andlitsgrímur.“
-Bergþóra Magnúsdóttir
„Samsetningin kamellitaður Buggabu og 66°Norður hnésíð Dyngja. Flott bæði, bara í sitthvoru lagi.“
-Bergþóra Magnúsdóttir.
„Buffið.“
-Kormákur Geirharðsson.
„Ég er ekki hlynnt öllum þessum lýtaaðgerðum sem virðast því miður vera einhvers konar trend hérlendis og erlendis.“
-Elísabet Gunnars.
„Dýrar vörur frá hátískumerkjum fyrir ungt fólk sem á ekki fyrir því – hettupeysur fyrir handlegg. Mér finnst mikilvægt að impra á því við ungt fólk að eiga fyrir hlutunum sem þeir klæðast. Ég kenni minni dóttur það sem verður bráðum unglingur.“
-Elísabet Gunnars.
