Tyrkneskur áhrifavaldur sem heimsótti hið víðfræga Kynlífssafn í Amsterdam í upphafi árs hefur verið kærður fyrir blygðunarsemisbrot í heimalandinu. Ástæðan er sú að áhrifavaldurinn deildi myndum frá safninu sem þykja óviðeigandi, meðal annars af fallísku pasta og „kynæsandi“ flöskuopnara. BBC greinir frá þessu.
Áhrifavaldurinn er hin 23 ára gamla Merve Taskin, sem er með 580.000 fylgjendur á Instagram. Hún deildi myndum frá safninu á Instagram-síðu sinni, á meðan hún fór í afmælisferð til Hollands í Janúar.
Nú hefur Taskin greint frá því að hún hafi verið handtekin af tyrkneskum stjórnvöldum. Hún er ákærð fyrir blygðunarsemisbrot, og gæti átt yfir höfði sér þriggja ára fangelsisdóm.
„Markmið mitt með þessum myndum var að segja brandara,“ segir hún sjálf.
Stjórnandi safnsins Monique van Marle sagði við BBC að þetta mál væri „algjörlega út í hött,“
Þá sagði hún að safnið hefði sent Merve Taskin stuðningsskilaboð. „Það er leiðinlegt að heyra af vandamáli þínu,“ sagði hún og bætti við að Taskin væri „frábær fyrirmynd fyrir konur,“
„Safnið okkar hefur það að markmiði að fræða fólk um allan heim um sögu kynlífsins.“ segir í tilkynningu frá safninu.
Hér má sjá mynd af Merve Taskin á Kynlífssafninu í Amsterdam:
View this post on Instagram
