Guðni Ágústsson, fyrrum landbúnaðarráðherra Framsóknarflokksins, og Margrét Hauksdóttir, leiðbeinandi, hafa sett íbúð sína í Skuggahverfinu á sölu. Smartland greindi fyrst frá. Íbúðin var einnig skráð til sölu árið 2018 líkt og DV greindi frá á sínum tíma.
Eignin er 127 fermetrar en íbúðin sjálf er 111,2 fermetrar og sérgeymsla í kjallara er 16,5 fermetrar. Þau hjónin vilja fá um 85 milljónir fyrir íbúðina en í henni má finna tvö svefnherbergi og eitt baðherbergi, ásamt fallegu eldhúsi og svölum.
