fbpx
Föstudagur 24.september 2021
Fókus

Par handjárnað saman í 123 daga – Þetta var það fyrsta sem þau gerðu

Guðrún Ósk Guðjónsdóttir
Sunnudaginn 27. júní 2021 10:00

Ekki missa af Helstu tíðindum dagsins í pósthólfið þitt

Lesa nánar

Par vonaðist til að bjarga sambandinu með því að vera handjárnuð saman í 123 daga. Þau voru saman allan liðlangan daginn og fóru meira að segja á klósetttið fyrir framan hvort annað.

Úkraínska parið Alexandr Kudlay og Viktoria Pustovitova framkvæmdu þessa tilraun og fjarlægðu loksins handjárnin í maí síðastliðnum eftir að hafa verið 123 daga föst saman. Það fyrsta sem þau gerðu var að hætta saman.

„Húrra,“ öskraði Viktoria þegar handjárnin voru tekin af. Reauters greinir frá. „Ég er loksins frjáls.“

Viktoria og Alexandr.

Það var Viktoria sem stakk upp á því að hún og Alexandr myndu bjarga sambandinu með því að handjárna sig saman á Valentínusardaginn, 14. febrúar síðastliðinn. Því miður gekk það ekki eftir.

„Ég ákvað að þetta myndi vera áhugaverð tilraun,“ segir Viktoria við Reauters.

Parið leyfði fylgjendum sínum á Instagram að fylgjast með tilrauninni og gáfu þau engan afslátt af raunveruleikanum. Þessir 123 dagar voru mjög erfiðir, þau voru ekki endilega alltaf sammála um hvað þau vildu gera og hvenær.

Viktoria og Alexandr.

Ekki nóg með að þurfa að fara á klósettið fyrir framan hvort annað þá þurftu þau að fara saman út um allt. Í vinnu, í búðina, í sturtu og út að reykja. Viktoria þurfti að hætta að vinna sem snyrtifræðingur því viðskiptavinir hennar voru ekki sáttir við að kærasti hennar væri hangandi yfir þeim.

Þessi endalausa samvera orsakaði margra klukkustunda rifrildi og mikla gremju. „Við vorum saman allan liðlangan daginn. Ég fékk enga athygli frá honum því við vorum alltaf saman. Hann sagðist aldrei sakna mín og mér finnst gott að heyra það,“ segir hún.

Viktoria og Alexandr.

Alexandr segir að tilraunin hefði gert honum ljóst að þau eigi ekki samleið. „Við erum mjög ólík,“ segir hann.

Handjárnin voru loksins fjarlægð 19. maí síðastliðinn. Þau slógu Úkraínumet fyrir pör sem hafa verið handjárnuð saman hvað lengst.

Viktoria segist vera sátt  við að vera einhleyp og hún ætlar að njóta lífsins sem sjálfstæður einstaklingur. Hún mælir alls ekki með því að önnur pör feti í þeirra fótspor og framkvæmi tilraunina.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 3 dögum

„Ef kærastinn neitar að gera þetta í svefnherberginu, hættu með honum“

„Ef kærastinn neitar að gera þetta í svefnherberginu, hættu með honum“
Fókus
Fyrir 3 dögum

Riley Reid um ástæðuna fyrir því að hún hætti í klámi

Riley Reid um ástæðuna fyrir því að hún hætti í klámi