Erika Lust er sænskur handritahöfundur, leikstjóri og framleiðandi á feminísku klámi. Hún segist hafa byrjað að framleiða klám því henni þótti „erfitt“ að sjá konur haga sér eins og „tæki“ fyrir kynferðislega ánægju karla.
Erika hefur unnið til verðlauna fyrir kvenlægu klámmyndir sínar sem eru yfir 250 talsins. Hún stofnaði framleiðslufyrirtækið Lust Films því hún var komin með nóg af birtingarmynd kynlífs í hefðbundnu klámi. Hún rifjar upp þegar hún horfði fyrst á klám þegar hún var nemandi við Lund háskólann í Svíþjóð. Hún var fyrir miklum vonbrigðum vegna þess hversu mikið var einblínt á ánægju karlsins frekar en konunnar.
„Frekar en að þetta væri ánægjuleg stund þá átti ég í erfiðleikum,“ sagði Erika í nýlegu viðtali við Glamour.
„Mér fannst klámið snúast um þarfir og ánægju mannsins og konan var aðeins tæki fyrir hann til að fá það.“
Erika er tveggja barna móðir og býr í Barcelona. Hún segist vonast til að myndirnar hennar muni ekki aðeins gera kynferðislega ánægju kvenna sjálfsagða heldur einnig breyta því að fólk horfi á karlmenn í klámi sem „kynlífsmaskínur.“
Erika hefur unnið til fjölda verðlauna og er örugglega hvað þekktust fyrir XConfessions verkefnið sitt sem kom í klámkvikmyndahús árið 2013.
Í hverjum mánuði velur hún tvær sögur eða fantasíur úr fjölda nafnlausra ábendinga sem hún fær í gegnum vefsíðu sína. Hún breytir þeim síðan í erótískar myndir.
Erika lýsir myndum sínum sem „kynlífs-jákvæðum“ (e. sex-positive) og sagði í samtali vði Femail árið 2015 að hennar meginmarkmið væri að sýna bæði karla og konur sem „kynferðislega frjálsa jafningja.“
Þú getur lesið viðtalið við Eriku í heild sinni á vefsíðu Glamour.
