Hjartnæm mynd frá því þegar Elísabet Bretadrottning og Filippus prins hittust í fyrsta skipti er að vekja mikla athygli á ný. Filippus lést á föstudaginn síðastliðinn, 99 ára að aldri. Filippus og Elísabet giftust árið 1947. Þau áttu saman fjögur börn, átta barnabörn og tíu barnabarnabörn.
Hjónin hittust fyrst þegar Elísabet var aðeins þrettán ára gömul. Á myndinni hér að neðan má sjá augnablikið þegar Elísabet sér hann í alfyrsat sinn og segir sagan að hún hefði ekki „tekið augun af honum.“
Það var hrein tilviljun að Filippus hafi verið valinn til að hitta prinsessuna. Tveir aðrir voru í röðinni á undan honum, en komust ekki vegna veikinda.
Filippus var nítján ára gamall og sagður hafa verið mjög myndarlegur. Samkvæmt kennslukonu Elísabetar var Filippus sjálfsöruggur og kærulaus, sem sló í gegn hjá framtíðardrottningunni.
Elísabet varð yfir sig hrifin af Filippus og þremur árum seinna sagði hún vinkonu sinni að hann væri sá „eini rétti“. Þau voru vinir og skiptust á bréfum og eyddu saman jólunum árið 1943. Ástin blómstraði, þau giftust árið 1947 og voru gift í 73 ár þar til hann lést.