Tónlistarmaðurinn Logi Pedro Stefánsson er nýjasti gestur Einkalífsins á Vísi. Hann á von á barni í ágúst með kærustu sinni Hallveigu Hafstað Haraldsdóttur.

Fyrir á Logi soninn Bjart Esteban með tónlistar- og leikkonunni Þórdísi Björk Þorfinnsdóttur. Logi og Þórdís voru par en voru hætt saman áður en Bjartur fæddist. Þáttastjórnandi Einkalífsins, Stefán Árni Pálsson, spyr hvernig hann hafi tekist á við það.

„[Þetta var] rosa flókið ferli. Það var erfitt. En svo vinnur maður í því þegar maður á barn. Hún stendur sig mjög vel í því að vera móðir hans og okkar samskipti eru mjög jákvæð,“ segir Logi.

Aðspurður hvort það hafi verið erfitt að sætta sig við að hitta son sinn ekki á hverjum degi segir Logi: „Þegar maður eignast barn eru svo miklar tilfinningar í spilinu. Sérstaklega ef foreldrar eru ekki saman þá er stöðugt óvissuástand. En þetta er bara eitthvað sem maður verður að vinna í.“

Logi og Hallveig hafa verið saman í þrjú ár og eiga von á barni í ágúst. Þetta er fyrsta barn Hallveigar.

„Við eigum rosa gott samband,“ segir Logi. „Þetta er búið að vera frábært, við einhvern veginn smullum saman.“

Horfðu á þáttinn í heild sinni hér að neðan.