Alec og Hilaria Baldwin tilkynntu í gær á Instagram-síðu Hilariu að þau hefðu eignast sitt sjötta barn saman. Þetta kom mörgum á óvart þar sem fimmta barn þeirra hjóna fæddist í september á síðasta ári. Því eru aðeins tæpir sex mánuðir á milli barna.
Aðdáendur fóru beint í athugasemdirnar að velta því fyrir sér hvernig það gæti verið að þau hafi eignast tvö börn með svona stuttu millibili og var Alec með einfalt svar fyrir þá: „Haldiði kjafti og skiptið ykkur ekki að“. Flestir telja þau hafa notast við staðgöngumóður en aðrir segja barnið hafa orðið til við framhjáhald Alec.
25 ára aldursmunur er á hjónunum en þau giftu sig árið 2012. Alec er 62 ára en Hilaria aðeins 37 ára. Hún hefur áður verið á milli tannana á fólki en hún var sögð ljúga um spænskan uppruna sinn. Hún sagðist hafa alist upp á Spáni en ólst í raun og veru upp í Boston í Bandaríkjunum. Til að mynda breytti hún nafni sínu úr Hillary í Hilaria árið 2011.
Þegar upp komst um málið sagði hún að hún hefði átt að vera skýrari þegar hún sagðist hafa alist upp á Spáni. Hún meinti að heimilishaldið hefði verið blanda af bandarískri og spænskri menningu og því upplifði hún það eins og hún væri á Spáni.
View this post on Instagram
