Casey Bishop er 15 ára stúlka og hafði aðeins sungið fyrir vinkonur sínar og fjölskyldu, þar til hún tók þátt í American Idol og sló svo rækilega í gegn að einn dómarinn sagði hana vera næsta sigurvegara keppninnar.
Casey söng lagið „Live Wire“ með Motley Crue. Dómararnir voru mjög hrifnir en vildu heyra hana einnig syngja blúslag, en Casey sagði dómurunum að hún væri hrifin af rokktónlist og blús. Hún söng lagið „My Funny Valentine“ með Ellu Fitzgerald og gjörsamlega heillaði dómarana upp úr skónum.
Luke Bryan sagði að þau væru að horfa á næsta sigurvegara American Idol.
Hún fékk þrjú já frá dómurunum og heldur áfram í næstu umferð. Myndbandið af áheyrnaprufu hennar er það vinsælasta á YouTube-rás American Idol undanfarna viku og hefur fengið rúmlega 2,5 milljónir í áhorf.