Leikarinn Owen Warner, sem er hvað þekktastur fyrir hlutverk sitt í sápuóperunni Hollyoaks, klæddi sig úr öllu nema nærbuxunum áður en hann eldaði kvöldmat fyrir kærustuna sína í tilefni Valentínusardagsins.

Kærasta Owen er Camilla Ainsworth, raunveruleikastjarna og athafnakona, en hún birti mynd af honum í engu nema nærbuxunum á meðan hann eldaði fyrir hana kvöldmat.

„Gleðiðlegan Valentínusardag,“ skrifaði hún. „Farðu aftur í eldhúsið og eldaðu fyrir mig tík,“ bætti hún síðan við, að öllum líkindum í góðu gríni. Owen birti síðan mynd af sér og Camillu á Instagram-síðu sinni og óskaði henni til hamingju með daginn sömuleiðis.

Camilla og Owen hafa ekki verið lengi saman en þau opinberuðu samband sitt fyrir nokkrum vikum. „Þau hafa verið að hitta hvort annað í nokkrar vikur eftir að þau kynntust í gegnum netið – þau eru ennþá bara að byrja en þau virðast bæði vera yfir sig ástfangin,“ sagði heimildarmaður The Sun þegar greint var frá sambandi þeirra.