Miley Cyrus hefur talað. Konur eru „mikið heitari“ en karlmenn, að hennar sögn.
Söngkonan er pankynhneigð (e. pansexual) en segist vera hrifnari að kvenlíkamanum. Hún viðurkennir þó að vera hrifin af lögun karlkynskynfæra og elskar listaverk sem eru í laginu eins og typpi.
Miley greinir frá þessu í útvarpsþættinum SiriusXM. „Stelpur eru miklu heitari. Við vitum þetta. Ég held að allir frá fornöld geti verið sammála um að typpi geta orðið að frábærum skúlptúr. En annars hef ég engan áhuga. Ég er hrifin af typpum sem list og skúlptúr, elska lögun þeirra. Mér finnst þau líta vel út á borði.“
Miley sagðist einnig tengjast konum sterkari tilfinningaböndum. Hún á auðveldara með að finna sitt „hlutverk“ þegar hún er í sambandi með konu.
„Ég er alveg til að vera með öflugri gellu sem nýtur jafn mikillar velgengni, eða jafnvel meiri, en ég,“ segir hún.
„Mér finnst auðveldara að finna mitt hlutverk þegar ég er í sambandi með konu, því jafnvel þegar ég hef verið í sambandi með karlmönnum þá hef ég oftast verið ráðandi aðilinn í sambandinu.“