Fjölmiðlakonan Snærós Sindradóttir er dóttir lögfræðingsins og þingkonunnar Helgu Völu Helgadóttur. Snærós hefur ekki langt að sækja framkomuhæfileika sína en móðir hennar er einnig menntuð leikkona og starfaði um árabil sem blaðakona meðal annars á Mannlífi.
Snærós hefur verið að gera það gott á RÚV sem útvarpskona en hún starfar einnig sem verkefnastjóri RÚV núll. Snærós var einnig um tíma blaðakona á Fréttablaðinu og þótti mjög öflug.
Eiginmaður Snærósar er Freyr Rögnvaldsson, blaðamaður á Stundinni.
Faðir Snærósar er Sindri Freysson, rithöfundur og fyrrverandi blaðamaður, svo fjölmiðlablóð er þykkt í æðum fjölskyldunnar. Sindri var um tíma kærasti söngkonunnar Bjarkar Guðmundsdóttur – en hún hefur aldrei verið blaðakona.