fbpx
Miðvikudagur 28.október 2020
Fókus

Pétur Jóhann með COVID-19 – Vaknaði í svitabaði á afmælisdegi eiginkonunnar

Erla Dóra Magnúsdóttir
Föstudaginn 25. september 2020 18:34

Ekki missa af Helstu tíðindum dagsins í pósthólfið þitt

Lesa nánar

Skemmtikrafturinn Pétur Jóhann Sigfússon er með COVID-19 sjúkdóminn sem kórónuveiran veldur. Þetta kom fram í þættinum FM95BLÖ á FM95,7 í dag.

Þáttastjórnendur, Auðunn Blöndal, Egill Einarsson og Steinþór Hróar Steinþórsson, tilkynntu þetta í þætti sínum og höfðu samband við Pétur til að taka á honum stöðuna. Telja þeir að Pétur Jóhann sé frægasti Íslendingurinn til að smitast af veirunni.

„Takk fyrir þetta. Þetta er bara þvílíkur heiður,“ sagði Pétur Jóhann, en vel mátti heyra á rödd hans að hann er nokkuð veikur um þessar mundir.

Pétur sagði sjúkdóminn hreinan viðbjóð og hann hafi aldrei verið svona veikur. Hann glímir við vondan höfuðverk, beinverki, vöðvaverki, var á tíma með hita auk þess sem hann hefur misst bragð- og lyktarskyn – en allt eru þetta algeng einkenni COVID-19.

Að vanda var stutt í spaugið hjá þáttastjórnendum sem reyndu að benda á jákvæðu hliðarnar við veikindi Péturs, eins og hvort að það væri ekki viss fríðindi að hafa glatað tveimur skynfærum. Spurðu þeir Pétur meðal annars hvort það væri ekki ágætt að geta ekki fundið eigin prumpulykt.

„Ég get skitið endalaust, setið á klósettinu bara í 18 mínútur og ég finn ekki neina lykt,“ sagði Pétur og einnig sé hentugt að henda í hann ólystugum mat þar sem hann hafi ekki bragðskyn.

„Fjölskyldan mín er búin að vera að koma með mat sem er kominn á dagsetningu. Ég borða bara mat sem er nánast útrunninn. Breytir engu hvað ég borða.“ 

Verst voru veikindi hans þegar þau gerðu fyrst vart við sig fyrir viku síðan er hann vaknaði í svitabaði klukkan þrjú um nóttina, aðfaranótt föstudagsins í síðustu viku. Lýsir Pétur því með eftirfarandi hætti:

„Konan mín átti fertugsafmæli daginn eftir og það er hefð fyrir því að við vekjum alltaf heimilismeðlim þegar hann á afmæli með köku og afmælissöng. Og ég var búinn að græja þetta. Ég var búinn að gera kökuna klára og svona. Síðan fer ég hérna fram aðfaranótt föstudagsins og klifra upp í sofa og ligg þar andvaka og svo sofna ég. Og vakna svo með hana [eiginkonuna] standandi yfir mér og hún segir orðrétt: „Á ekkert að syngja fyrir mig afmælissönginn?”. „Ha? Nei ég er veikur ástin mín,” segi ég. Þá sagði hún aftur orðrétt: „Þú ert varla of veikur til að syngja afmælissönginn?” og ég segi : Jú ég er ekkert að grínast ástin mín ég er of veikur til þess, ég hef aldrei verið svona veikur á ævinni.”

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Barnið mitt er bústið – Er það endilega vandamál?

Barnið mitt er bústið – Er það endilega vandamál?
Fókus
Fyrir 2 dögum

Blaðamaður fórnar sér – „Þetta er það allra versta sem ég hef gert“

Blaðamaður fórnar sér – „Þetta er það allra versta sem ég hef gert“
Fókus
Fyrir 3 dögum

Einhleypar athafnakonur – Eldklárar og æðislegar

Einhleypar athafnakonur – Eldklárar og æðislegar
Fókus
Fyrir 3 dögum

Kórdrengur í Kaupmannahöfn: Tíminn frá því í kringum 1970 lifnar við í nýrri bók eftir Jón Óskar Sólnes

Kórdrengur í Kaupmannahöfn: Tíminn frá því í kringum 1970 lifnar við í nýrri bók eftir Jón Óskar Sólnes
Fókus
Fyrir 4 dögum

Auddi Blö á von á sínu öðru barni – Deilir sónarmynd

Auddi Blö á von á sínu öðru barni – Deilir sónarmynd
Fókus
Fyrir 4 dögum

Hugrún Britta samdi plötu og áttaði sig á að hún væri flæðigerva – Gefur út nýtt tónlistarmyndband

Hugrún Britta samdi plötu og áttaði sig á að hún væri flæðigerva – Gefur út nýtt tónlistarmyndband