Gerður ræddi þá upplifun í Síðdegisþættinum á K100. Í þættinum lýsir Gerður hvernig það var að vera smituð af veirunni en einnig segir hún frá því hvernig eftirköstin voru. Hún segist hafa fengið veiruna þegar það var ekki enn byrjað að greinast mikið af smitum á Spáni og því grunaði hana ekki að hún myndi smitast. inkennin voru mikið kvef, ljótur hósti, andþyngsli og svo missti ég allt bragð og lyktarskyn,“ segir hún í þættinum.
Það að missa bragð- og lyktarskynið hafi verið versta einkennið. Þá segir hún að veiran hafi ennþá áhrif á hana í dag. „Þetta er svona eiginlega gráthlægilegt, ég veit ekki hvað maður á að segja,“ segir Gerður. „Eftir Covid fór bragð og lyktarskynið að koma hægt og rólega og ég myndi segja að bragðskynið væri komið svona 70% til baka. En lyktarskynið það er bara í einhverju rugli.“
Þá segir Gerður að hún finni nú kúkalykt af öllu. „Ég ætla bara að segja þetta hreint út. Ég finn kúkalykt af öllu og þið getið ímyndað ykkur hvað það er erfitt. Ég er kannski á „public“ stað og ég finn bara kúkalykt! Og ég er ekki ein í þessu. Fólk kallar þetta Covid fýluna þetta er svona rotin eggjalykt eða kúkalykt.“
Hún er þá spurð hvernig þetta virkar. „Þú ert kannski að setja á þig handsápu eða eitthvað og það er bara kúkalykt af sápunni?“ segir Siggi Gunnars, annar af stjórnendum þáttarins. „Jebbs, það er alveg þannig sko. Ég keypti nýja handsápu niðri í vinnu um daginn og það er bara kúkalykt af henni.“