Nektarmynd raunveruleikastjörnunar Jessiku Powers skiptir fólki í fylkingar. Jessika er 28 ára og kom fram í raunveruleikaþáttunum Married At First Sight. Hún deilir reglulega djörfum myndum af sér á Instagram og hefur einnig setið ber að ofan fyrir tímaritið Maxim.
En nýjasta mynd Jessiku hefur vakið sérstaklega mikla athygli. Það er ekki bara myndin sem hefur ollið usla, heldur einnig skilaboðin sem Jessika deildi með myndinni.
https://www.instagram.com/p/CFZEVSUHmfA/
„Samfélagið kemur svo furðulega fram við nakinn kvenlíkamann. Það er stöðugt verið að biðja um að sjá hann, en um leið og hann er sýndur þá er einhver drusla? Hvernig nærðu að kljást við það,“ spyr Jessika.
Hún auglýsir síðan kynlífstækjavörurnar Viva Product. „Þess vegna styð ég @VivaProductsAu og þeirra markmið að #UppfæraMenninguna,“ segir hún.
Margir fylgjendur Jessiku tóku myndinni og skilaboðum hennar fagnandi en aðrir voru ekki svo hrifnir.
„Ég er nokkuð viss um að þú hefðir getað komið sömu skilaboðum áleiðis og verið í fötum,“ sagði einn netverji.
„Þetta snýst um að vera almennileg og fáguð, ekki ómerkileg,“ segir annar.
„Farðu í föt og predikaðu svo. Tilgangslaus færsla fyrir samfélagið, þú ert að kenna yngri kynslóðinni að svona dreifir maður skilaboðum, ógeðslegt,“ segir einn netverji.
https://www.instagram.com/p/CEESA7vnQ-p/
Í samtali við News.au segir Jessika að viðbrögðin við færslunni séu „sönnun“ fyrir því að samfélagið kemur furðulega fram við nakinn kvenlíkamann.
Hún bendir á að hún sé með „miklu djarfari myndir á Instagram en þessi vakti svona mikla athygli vegna skilaboðanna. Færslan gaf fólki rými til að viðra skoðanir sínar og rökræða,“ segir hún.
„Ég fékk fullt af jákvæðum skilaboðum frá konum sem þökkuðu mér fyrir og sögðu færsluna vera valdeflandi.“