Jennifer Lopez kom aðdáendum sínum heldur betur á óvart á dögunum með nýrri bikinímynd. Söngkonan deilir sjaldan slíkum myndum af sér á samfélagsmiðlum en þegar hún gerir það þá vekur það mikla athygli.
J Lo er með 131 milljón fylgjendur á Instagram og venjulega fá myndirnar hennar í kringum eitt til tvö milljón „likes“ en rúmlega 4,2 milljón manns hafa líkað við nýjustu bikinímynd hennar. Myndin hefur einnig vakið athygli fjölmiðla vestanhafs.
https://www.instagram.com/p/CFVfdLzJ81E/
„OMG hvernig er þetta hægt,“ segir einn fylgjandi hennar og líkir henni við vampíru.
„Ég vil líka líta svona út þegar ég verð 51 árs. Nei afsakaðu, ég meina 21 árs. Þú ljómar öll,“ sagði annar.
Jennifer er 51 árs og tveggja barna móðir. Hún á tvíburana Emme og Max, sem eru tólf ára.
Söngkonan hefur aldrei farið leynt með að hún fylgir bæði ströngu æfingarprógrammi og mataræði til að halda sér í þessu rosalega formi.
Þjálfari hennar, Dodd Romero, deildi kviðæfingum hennar með O, the Oprah Magazine, í fyrra. Hún byrjar á því að gera 50 hangandi fótalyftur, síðan 50 kaðla kviðæfingar (e. rope chrunces) og 50 kviðæfingar á hallandi bekk (e. incline sit ups).
Síðan endurtekur hún hringinn en gerir 35 endurtekningar, og endar svo á þriðja hringnum og 21 endurtekningu í hverri æfingu. Og hún tekur að sjálfsögðu enga pásu.