OnlyFans er síða sem gerir notendum kleift að selja efni sitt til áskrifenda gegn mánaðarlegu gjaldi. Algengasta efnið þar er án efa nektar- og kynlífsefni en það er þó ekki það eina sem dregur fólk að síðunni. Yfirleitt er efnið þó á einhvern hátt kynferðislegt. „Svo er líka margt annað sem er að hala helling inn,“ sagði Birta Líf um efni sem er aðgengilegt á samfélagsmiðlinum.
„Ég er ekki að hlægja, ef einhver er með þetta fetish, þá er það allt í lagi,“ bætti Birta síðan við. „Tásumyndir eða?“ spyr Sunneva þá. „Já! Þetta er alveg orðið líka platform fyrir fólk sem er að pósta tásumyndunum sínum,“ segir Birta. „Eigum við að búa til þannig?“ spyr Sunneva þá og hlær.
„Hefur þú einhvern tímann verið beðin um að senda tásumynd?“ spyr Birta og Sunneva svarar játandi. „Af hverju ertu þá ekki löngu búin að þessu?“ spyr Birta í framhaldi af því. „Það er eitthvað skrýtið við að taka myndir af tásunum á sér, fyrir mig. Mig langar bara ekki að heimurinn sjái tærnar á mér. Það er bara svo skrýtið að einhver sé að hugsa: Úúú tærnar,“ segir Sunneva. „Ég skil alla sem gera það, geggjað að græða pening á þessu. En ég gæti ekki verið bara vitandi að það er einhver að horfa á tærnar mínar.“
Horfa má á þáttinn þeirra í heild sinni hér fyrir neðan:
