Heyrst hefur að leikstjórinn og kvikmyndaundrið Benedikt Erlingsson og leikkonan, verkefnastjórinn og framkvæmdastjóri Þjóðleikhússins Tinna Lind Gunnarsdóttir séu að hittast. Hafa þau sést úti að borða saman, á göngu um miðborgina og þykir parið eiga ákaflega vel saman enda bæði hæfileikarík með meiru, vinsæl og vinamörg. Benedikt var giftur leikkonunni Charlotte Böving en þau skildu fyrr á árinu. Tinna Lind er fyrrverandi eiginkona söngvarans Garðars Thors Cortes.
Trúðatækni og hestamennska
Benni Erlings er einn fremsti leikstjóri landsins og er maðurinn á bak við stórmyndir eins og Hross í oss og Kona fer í stríð en sú síðarnefnda verður endurgerð í Bandaríkjunum og leikstýrt af Jodi Foster. Benedikt er umhverfissinni mikill og þykir mælskur með einsdæmum. Hann er einnig hestamaður og náttúruunnandi.
Tinna Lind er mikill húmoristi og listunnandi en hún er einnig menntuð í trúðatækni hjá Rafael Bianciotto. Hún útskrifaðist úr MPM námi (Master of Project Management) frá Háskólanum í Reykjavík og fjallaði lokaverkefni hennar, The Project Manager as a Clown, um notkun trúðatækni til að auka leiðtoga- og samskiptafærni í stjórnun verkefna.
Þessi tvö náttúruöfl mynda því án efa eitt listrænasta og glæsilegasta par landsins.