Disney+, vinsæla streymisveitan frá hinu geysifræga Walt Disney fyrirtæki er nú komið til Íslands.
Í boði eru yfir 500 kvikmyndir, 40 kvikmyndir og þáttaseríur sem ekki bjóðast annar staðar og þúsundir af sjónvarpsþáttum úr smiðju Disney, Marvel, Star Wars, National Geographic og fleirum.
Notendur geta streymt Disney+ á flestum tækjum og er mánaðargjaldið aðeins rétt rúmlega 1.100 krónur á mánuði.
Streymisveitan Netflix hefur notið gríðarlegra vinsælda meðal Íslendinga undanfarin ár en nú er ljóst að Netflix má fara að passa sig því Disney+ ætlar sér að veita harða samkeppni á íslenskum markaði. Mánaðargjaldið á Netflix er rúmlega 1.300 krónur á mánuði en í dag er hægt að fá fyrsta mánuðinn á tilboðsverði, 670 krónur.