fbpx
Miðvikudagur 23.september 2020
Fókus

Hulda fékk furðulega beiðni um brjóstamynd frá ókunnugum karlmanni

Guðrún Ósk Guðjónsdóttir
Þriðjudaginn 4. ágúst 2020 13:17

Hulda Kristín. Aðsend mynd.

Ekki missa af Helstu tíðindum dagsins í pósthólfið þitt

Lesa nánar

Söng- og leikkonan Hulda Kristín Kolbrúnardóttir fær reglulega óviðeigandi skilaboð frá karlmönnum eftir að hún sigraði í Söngvakeppninni með Daða & Gagnamagninu.

Hulda hefur meðal annars verið beðin um að vekja athygli á brjóstakrabbameini með því að senda ókunnugum karlmanni mynd af brjóstunum sínum. Hún greinir frá þessu á Twitter og gaf DV góðfúslegt leyfi til að deila hennar reynslu með lesendum. Maðurinn sendi Huldu skilaboð á Instagram og sagðist vera að „reyna að vekja athygli á brjóstakrabbameini.“

„Þannig að ef þú gætir sent bara mynd á mig af brjóstunum þínum. Þú þarft alls ekki að gera það en það myndi hjálpa gríðarlega mikið. Myndin yrði nafnlaus og ef andlitið þitt væri á myndinni þá væri það tekið út af, nema þú viljir hafa andlitið á myndinni. Ástæðan fyrir því að ég valdi þig er því þú ert með afar falleg brjóst. Takk fyrir,“ sagði maðurinn.

Maðurinn ítrekaði beiðni sína tvisvar, bæði í byrjun apríl og byrjun júlí.

Í samtali við DV segist Hulda aldrei hafa svarað manninum.

„Mér fannst þetta svo ótrúlega fáránlegt. Svo fór hann að vera ákafari í skilaboðunum til mín og þá blokkaði ég hann,“ segir Hulda.

Hún segir að um sé að ræða einhvern Instagram-aðgang með enga fylgjendur og fylgir aðeins einum aðila.

Jókst gríðarlega eftir Söngvakeppnina

Hulda Kristín fær því miður reglulega svona skilaboð og það var bara síðast í gær þegar hún fékk óviðeigandi skilaboð frá karlmanni sem sagði hana vera með „flott brjóst.“

Hulda sló í gegn með Daða & Gagnamagninu sem sigraði Söngvakeppni sjónvarpsins fyrr á árinu með laginu „Think about things“. Lagið vakti heimsathygli og hefur tónlistarmyndbandið fengið yfir 15 milljón áhorf á YouTube.

Áður en Hulda tók þátt í Söngvakeppninni hafði hún fengið ein óviðeigandi skilaboð. „En eftir keppnina, og þegar tónlistarmyndbandið sprakk á netinu, þá byrjaði ég að fá nokkur svona skilaboð á mánuði. Með vaxandi fylgjendahóp þá bjóst ég alveg við einhverju svona. Fannst þessi skilaboð og hegðun bara svo ótrúleg,“ segir Hulda.

„Það er ömurlegt að fá svona skilaboð reglulega og að hann hafi haldið að þetta myndi virka er mér óskiljanlegt.“

Hulda deildi einnig skjáskotum af spurningum sem hún hefur fengið frá fylgjendum sínum á Instagram sem snúa að nektarmyndum.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fókus
Í gær

Bubbi um ástandið – „Ekki hægt að taka vinnuna af fólki í eitt eða tvö ár“

Bubbi um ástandið – „Ekki hægt að taka vinnuna af fólki í eitt eða tvö ár“
Fókus
Í gær

Bikinímynd Jennifer Lopez veldur usla

Bikinímynd Jennifer Lopez veldur usla
Fókus
Fyrir 5 dögum

Telur sig vera með stærstu brjóst Bretlands

Telur sig vera með stærstu brjóst Bretlands
Fókus
Fyrir 5 dögum

Tinder laugin – Hvar eru þau nú? Umtöluðustu keppendurnir stíga fram

Tinder laugin – Hvar eru þau nú? Umtöluðustu keppendurnir stíga fram