Dr. Erla Björnsdóttir hefur lengi rannsakað svefn. Svefnleysi hefur víðtæk og lúmsk áhrif og er orsakavaldur margra alvarlegra sjúkdóma eins og hjarta- og æðasjúkdóma, sykursýki, háþrýstings, kvíða og þunglyndis.

Sjá einnig: „Svefnleysi eykur líkur á mörgum alvarlegum sjúkdómum og hreinlega styttir líf okkar“

Við ræddum nýlega við Erlu um mikilvægi svefns og svefnleysi. Svefn skiptir höfuðmáli og er grunnurinn að andlegri og líkamlegri heilsu.

Hér gefur hún lesendum góð ráð til að ná betri svefni.

Sleppa koffíni eftir klukkan tvö á daginn.

Sleppa síma, og helst öllum skjáum, síðasta klukkutímann fyrir svefn.

Setja sér markmið varðandi reglu um svefn.

Reyna að fara að sofa á svipuðum tíma og fætur á svipuðum tíma alla daga vikunnar. Auðvitað er í lagi að hnika til um einhverja klukkutíma um helgar, fara aðeins seinna í rúmið og aðeins seinna á fætur. En að maður sé ekki að fara í þessar öfgar að snúa sólarhringnum við.

Hreyfa sig

Hreyfing hefur mjög góð áhrif á svefn. En passa sig samt að hreyfa sig ekki eftir kvöldmat.

Draga úr áfengisneyslu

Hún hefur áhrif á svefn og dregur úr svefngæðum.