Það er bara eitt sem internetið elskar meira en ketti, og það eru kettir með óborganleg andlit. Þar má nefna hinn íkoníska Grumpy cat, sem lítur út fyrir að vera frústreraðasti köttur veraldar og persneski kötturinn Louis sem laðað hefur að sér fjölda áðdáenda vegna óheppilegs útlits síns.
https://www.instagram.com/p/B-FoYpMJ1WB/?utm_source=ig_web_copy_link
En nú hefur nýr köttur komið upp úr kafinu úr ógnardýpi veraldarvefsins. Um er að ræða flækingskött nokkurn í Kína sem lítur út fyrir að vera krónískt dapur. Hvort hann sé í alvöru leiður yfir ástandinu sem hefur einkennt allt þetta ár, eða hvort hann sé einfaldlega svona í framan, þá er allsendis ljóst að þessi köttur er svo sannarlega táknmynd sorgarinnar á þessum síðustu og verstu tímum.
Mynstrið á feldinum hefur þau áhrif á svipbrigði kattarins að hann lítur út fyrir að hafa misst glænýjan ís beint í jörðina, án þess að hafa fengið svo mikil sem einn bita af honum.
Kínversk kona að nafni Simpson Xin, náði ljósmyndum af þessari sorgarkisu í síðustu viku og deildi á samfélagsmiðlum. Myndirnar voru geysivinslar og hefur yfir tvær milljón manns skoðað þær. Konan fór stuttu síðar aftur til þess að líta eftir kettinum, sem nú hefur hlotið nafnið Moggie, og er haldið að sé flækingsköttur. Því miður gat hún ekki tekið hann heim með sér þar sem hún á gæludýr nú þegar.
Greinina má lesa í heild sinni á vefmiðlinum Bored Panda.