TikTok er stórskemmtilegur samfélagsmiðill þar sem fólk deilir öllu á milli himins og jarðar. Stundum dettur fólki fyndnir hrekkir í hug og deilir á TikTok. Í kjölfarið leika fleiri sama hrekk eftir og deila með tengingu í frumhrekkinn. Eitt það nýjasta sem fólk hefur verið að leika eftir á samfélagsmiðlinum er hrekkur nokkur, sem hefur farið eins og eldur um sinu upp á síðkastið.
Hrekkjalómarnir eru yfirleitt yngri konur sem plata grunlausa kærasta og eiginmenn til þess að hjálpa þeim að „framkvæma nýja og áhrifaríka tegund af magaæfingum“.
Skemmst er frá því að segja að fórnarlambið er látið setjast á gólfið á meðan hrekkjalómurinn leggur sköflungana á axlir fórnarlambsins og spyrnir höndunum í gólfið.
Þá hefst grínið. Hrekkjalómurinn læsir ökklunum um hnakka fórnarlambsins og notar styrk lærvöðvanna til þess að þrykkja andliti fórnarlambsins ítrekað í afturendann.
https://www.facebook.com/ellie.moore/videos/10156956040637693/