Á undanförnum árum hefur hinn 16 ára Robert Irwin, sonur Steve Irwin sem var betur þekktur undir nafninu Krókódílafangarinn, orðið æ líkari pabba sínum. En útlitið er ekki það eina sem gerir feðgana líka, því Robert fylgir fast í fótspor föður síns sem mikill dýravinur og er meðal annars stjarna í eigin heimildaþáttaröð um dýr. Steve Irwin hlaut sviplegan dauðdaga árið 2006 þegar hann var stunginn í hjartastað af eitraðri stingskötu við tökur á heimildamyndaþætti sínum The Crocodile Hunter.
https://www.instagram.com/p/CCM7iWuj49J/
Sjaldan fellur eplið langt frá eikinni
Þessi málsháttur á svo sannarlega við í þessu tilfelli. Síðasta laugardag átti sér stað atvik sem sýnir fyrir fullt og allt að Robert Irwin er svo miklu meira en bara lifandi eftirmynd föður síns. Á Instagramreikningi sínum deilir hann myndbandi sem tekið er við tökur á heimildaþáttaseríu hans Crikey! It‘s the Irwins. Robert sést þar handleika carpet python-kyrkislöngu af kunnáttu.
Ætlarðu að vera pirraður eða góður?
Hann spyr í myndbandinu: „Ætlarðu að vera pirraður eða góður?“ á meðan hann dregur snákinn úr öryggisbúrinu. Hann heldur áfram: „Allt í góðu, þú færð að fara aftur til baka. Svona karlinn. Góður strákur. Er hann ekki svalur? Ég elska carpet python snáka. Þessi er líka frekar stór. Hann er flottur. Ég verð að segja ykkur, þegar ég fann þennan…“ en svo hættir hann skyndilega að tala enda ræðst snákurinn á hann og bítur hann í andlitið.
https://www.instagram.com/p/CCdhgh6j7Rr/
Beint á eftir stiklunni kemur myndband af föður Roberts, Steve Irwin sem heldur þar á snáki í sínum eigin sjónvarpsþætti, The Crocodile Hunter. Snákurinn glefsar þar örsnöggt í andlit Steve sem bregst við með því að hvella „hvur déskotinn“ eða „son of a gun“ áður en hann heldur svo áfram að tala eins og ekkert hafi í skorist.
Strákurinn birtir svo myndir af sér og föður hans þar sem báðir eru brosandi með blóðug sár á andlitinu eftir snákabitið.
Frétt er þýdd af vefmiðlinum Bored Panda.