Kvikmyndagerðarmaðurinn og auglýsingagúrúinn Hrafn Jónsson og Brynhildur Bolladóttir, upplýsingafulltrúi Rauða Krossins, selja íbúð sína í Hlíðunum í Reykjavík.
Hrafn, sem er betur þekktur sem Krummi, þykir einn beittasti penni landsins en hann skrifar á Kjarnann.is og gaf út bók með bestu pistlum sínum árið 2016. Brynhildur starfaðu áður sem lögfræðingur hjá umboðsmanni borgarbúa.
Brynhildur greinir frá því á Facebook að parið ætlar að færa sig í Laugarnesið en þau munu sakna þessarar yndislegu og björtu íbúðar en þau eignuðust sitt fyrsta barn árið 2018 og því kominn tími til að stækka við sig.
Íbúðin er til sölu á vef fasteignarsölunnar Lind. Hrafn og Brynhildur setja 44,9 miljónir á íbúðina sem er 71,9 fermetrar að stærð.
Um er að ræða fjögurra herbergja íbúð í fjölbýlishúsi við Blönduhlíð. Íbúðin skiptist í forstofu, tvö svefnherbergi, eldhús, stofu, borðstofu, baðherbergi og geymslu á sömu hæð. Auk þess er geymsluris yfir íbúðinni sem nýtist vel.
Takið eftir eldhúsinu. Bláa innréttingin er einstaklega upplífgandi og gluggarnir í búðinni gefa henni fallega birtu.