Hátt í 30 þúsund manns hafa horft á eftirfarandi myndskeiðið eftir að það var birt á Twitter síðunni Welcome to Nature nú á dögunum. Íslenskur fjárhundur leikur þar aðalhlutverk og hefur hann heillað ófáa upp úr skónum.
Þess ber að geta að íslenskir fjárhundar hafa verið gríðarlega eftirsóttir undanfarin ár, og þá sérstaklega erlendis. Enda ekki af ástæðulausu. Margir heillast af glaðlegu fasi þeirra og sterkri skapgerð og þeir þykja einkar forvitnir, fjörugur, glaðværir og barngóðir.
Myndskeiðið umrædda sýnir þegar íslenskur fjárhundur er kynntur fyrir nýjasta fjölskyldumeðlimnum. Líkt og sjá má ræður hvuttinn sé varla fyrir spenningi þegar hann sér þessa litlu mannveru og viðbrögðin eru með eindæmum krúttleg.
Einn notandi skrifar í athugasemd: „Hann er örugglega að hugsa um alla skemmtilegu hlutina sem hann ætlar að kenna barninu. Hann á eftir að vera fyrstur til að bregðast við þegar barnið grætur eða vantar eitthvað. Barnið er heppið að eiga líka hunda mömmu.“ Annar notandi skrifar: „Íslenskir fjárhundar eru án gríns kátustu og traustustu gleðigjafar sem hægt er að finna.“ Þá ritar sá þriðji: „Hundar bregðast nákvæmlega eins við þegar þeir hitta nýfæddan hvolp. Þeir vita að barnið er hluti af fjölskyldunni.“
Sjón er sögu ríkari.
Our Icelandic sheepdog meeting the new family member pic.twitter.com/wcYsGtT2ET
— Welcome To Nature (@welcomet0nature) June 24, 2020