Ragna Isabel hefur alltaf haft áhuga á tónlist en hafði aldrei kjarkinn til að syngja fyrir framan aðra. Hún var að gefa út sitt fyrsta lag eftir að hafa glímt við mikla erfiðleika.
„Ég leitaðist út í neyslu á unglingsárum og var mikið inn og út af geðdeild frá fjórtán ára aldri. Þar til ég fann minn æðri mátt og náði að verða edrú eftir að hafa reynt það í nokkur ár. Ég byrjaði þá hægt og rólega að skríða úr skelinni, syngja og semja tónlist,“ segir Ragna í samtali við DV.
„Lagið er um það ferli að átta sig á að maður getur meira en maður heldur, að losna undan sjálfum sér og ekki trúa þessum lygum að maður sé ekki nóg á einn eða annan hátt.“
Hlustaðu á lagið á Spotify eða í spilaranum hér að neðan.