fbpx
Miðvikudagur 12.ágúst 2020
Fókus

Hvert á að fara í sumar?

Auður Ösp
Föstudaginn 15. maí 2020 20:51

Ekki missa af Helstu tíðindum dagsins í pósthólfið þitt

Lesa nánar

Allt stefnir í að sumarið 2020 verði innan- landsferðasumarið mikla og metsala hefur verið á hjólhýsum, tjaldvögnum og fellihýsum. DV tók púlsinn á nokkrum þjóðþekktum Íslendingum og grennslaðist fyrir um áætlanir þeirra fyrir sumarið.

Faldar perlur á Austfjörðum

Felix Bergsson, útvarpsmaður og leikari, og eiginmaður hans Baldur Þórhallsson stjórnmálafræðingur eiga von á tveimur barnabörnum í heiminn í sumar. Felix sér fram á ljúfar stundir heima við. „Planið er bara að vera heima. Við eigum von á tvöfaldri fjölgun í fjölskyldunni í júní og ætlum því að einbeita okkur að því að taka vel á móti þeim nýju fjölskyldumeðlimum og sitja og horfa á þau sem allra, allra mest. Svo kannski drekkum við kaffið úti á palli eða grillum.“

Felix Bergsson.

Felix langar mikið að kanna hálendi Íslands betur og heimsækja til dæmis Veiðivötn. „Ég hef líka aldrei skoðað mig almennilega um í Þjórsárdal en þar munu til dæmis vera fossar sem maður á alls ekki að láta fara fram hjá sér.“

Aðspurður um eftirlætisstað á Íslandi nefnir Felix firðina, bæði í vestri og austri. „Ef fólk hefur aldrei farið á Hornstrandir mæli ég eindregið með því og að sama skapi mæli ég með heimsókn á Austfirði. Þar eru magnaðar gönguleiðir og ýmsar faldar perlur. Ég nefni sem dæmi Stórurð undir hinum stórkostlegu Dyrfjöllum.

Svo er alltaf gaman að heimsækja Suðurlandið og við fjölskyldan erum stolt af því að hafa opnað nýjan möguleika með Hellunum við Hellu sem eru bara klukkutíma frá Reykjavík og eru algjörlega magnaðir.“

Verður að heimsækja Þingvelli nokkrum sinnum á ári

Sumarið hefst á því að ég kenni masterklass í Framsækni og öruggri tjáningu við Háskólann á Bifröst í júní og mun nota náttúruna og umhverfið þar í kennslu. Það er tilhlökkunarefni,“ segir Sirrý Arnardóttir stjórnendaþjálfari, rithöfundur og fyrrverandi fjölmiðlakona.

„Það stóð til að fara loksins á þjóðlagahátíðina á Siglufirði í byrjun júlí en við hjónin höfum lengi ætlað en alltaf verið bókuð á öðrum stað þegar hátíðin er haldin og svo var henni frestað um ár. Svo ekkert verður af því að sinni.“

Sirrý segir Suðureyri á Vestfjörðum vera í miklu uppáhaldi, og hyggur á ferðalag þangað í ágúst.

Kristján Franklín og Sirrý

„En ég á að vera með upplestra úr bæði barna og fullorðinsbókum mínum og fyrirlestur á einleikjahátíðinni Act alone á Suðureyri í byrjun ágúst og hlakka mikið til að fara þangað. Bæði að fylgjast með allri dagskránni og líka að koma þangað.

Við Kristján Franklín fórum nefnilega fyrir stuttu síðan um Vestfirði en slepptum Suðureyri af einhverri furðulegri ástæðu og sáum eftir því. Nú er stefnan tekin aftur vestur og sérstaklega á Suðureyri.

Svo ætla ég að fara í mun styttri ferð en það er að heimsækja Friðheima á Suðurlandi og borða frægu tómatsúpuna og skoða ræktunina hjá þessu heiðursfólki, sem ég hef reyndar tekið viðtöl við en ekki farið og skoðað staðinn. Ég hef alltaf verið á leiðinni en ekki farið þangað nú er tími til þess á næstunni.“

Sirrý bendir á að það megi ekki gleyma stöðum sem eru stutt frá Reykjavík en eru algjör paradís eins og til dæmis. Hótel Glymur í Hvalfirði.

„Ég hef verið bæði á hótelinu og í litlu villunum sem til- heyra hótelinu og þar er útsýni úr heita pottinum yfir Hvalfjörðinn og Saurbæjarkirkju. Fossinn og fallegar gönguleiðir í nágrenninu. Þetta er perla rétt við borgina sem ég mæli með.

Svo er frábær gönguleið í Borgarfirði beint á móti golfvellinum á Hamri, þessi staður heitir Einkunnir og er skógur, vatn, hamrar og algjör draumur sem of fáir virðast vita um. Þetta sést ekkert frá veginum en er alveg meiriháttar útivistarsvæði. Stutt að fara, til dæmis fyrir borgarbúa.

Ég verð að heimsækja Þingvelli nokkrum sinnum á ári og það er á dagskrá. Svo langar mig aftur að ganga Fimmvörðuháls við tækifæri. Svo er ég komin með gróðurhús í garðinum svo ég hlakka líka til að vera heima, með græna fingur.“

lagsskapurinn mikilvægastur

Við maðurinn minn ætluðum á Rammsteintónleika í Frakklandi í sumar ásamt vinum okkar, en vegna aðstæðna er búið að fresta þeirri ferð,“ segir Marta María Jónasdóttir, fréttastjóri dægurmála hjá mbl.is.

„Ég geri ráð fyrir að við verðum töluvert uppi á fjöllum, í hjólaferðum og göngutúrum. Planið er að fara í Heydal við Ísafjarðardjúp en það er alger paradís á jörð. Við fórum þangað síðasta sumar og heilluðumst af fallegri náttúru, góðri stemningu á hótelinu og sérlega ljúffengum mat.

Marta María Jónasdóttir er ein virtasta fjölmiðlakona landsins.

Fyrir tveimur árum fórum við á Strandirnar og gistum á Hótel Djúpavík. Mig langar aftur þangað og svo getur meira en vel verið að við kaupum okkur hótelpakka og eltum góða veðrið. Ég er ekki enn þá komin þangað að finnast gaman að gista í tjaldi í rigningu en ég læri það kannski einhvern daginn.“

Marta segist vera spenntust fyrir Austfjörðum. „Ég hef bara komið þangað í mýflugumynd og langar að kynnast þeim stað betur. Mér skilst að þar séu framúrskarandi gönguleiðir og mikið fjör.”

Marta á marga uppáhaldsstaði á Íslandi og nefnir til að mynda Snæfellsnes og Akureyri. „Svo finnst mér dagsferðir sniðugar. Það er til dæmis mjög gaman að fara í sjósund í Guðlaugu á Akranesi, fara til Hveragerðis og labba upp í Reykjadal og rúnta um Stokkseyri og Eyrarbakka og fara á kajak.

Annars finnst mér áfangastaðurinn ekki vera stóra málið heldur félagsskapurinn. Ef maðurinn minn og börnin mín eru með í för leiðist mér aldrei.“

Ekki beint útileigutýpa

Viktoría Hermannsdóttir, dagskrárgerðarkona á RÚV, hyggur á ferðalög innanlands með fjölskyldunni en hún og unnusti hennar Sólmundur Hólm eiga samtals fjögur börn.

„Við ætlum að reyna að ferðast sem mest innanlands. Við erum ekki beint útilegutýpurnar en ætlum okkur að verða það alla leið. Við erum búin að kaupa gamalt fellihýsi og nú skal sko heldur betur haldið í langferð.

Viktoría og Sóli.

Við sáum reyndar daginn eftir að við keyptum það að það yrði takmörkun á tjaldsvæðum í sumar, það væri dáldið týpískt fyrir okkur að komast svo ekkert inn á tjaldsvæðin. En við sjáum hvað setur!“

Viktoría hyggst meðal annars heimsækja Strandirnar í sumar en þangað hefur hún aldrei komið. „Ég er ættuð þaðan og langar mikið að koma þangað. Margir segja að það sé fallegasti staður landsins og ég er spennt að sannreyna það.“

Aðspurð um uppáhaldsstaði á Íslandi svarar Viktoría: „Ég elska Vestfirði og finnst vera einhver yfirnáttúruleg fegurð þar og kyrrð. Svo er líka ótrúlega fallegt á Eyrarbakka og í Ölfusinu.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fókus
Fyrir 3 dögum

Einn virtasti fjölmiðill heims fjallar um íslenska fasteign – Metin á 108 miljónir

Einn virtasti fjölmiðill heims fjallar um íslenska fasteign – Metin á 108 miljónir
Fókus
Fyrir 4 dögum

Sakamál: Neyðaróp um kvöld

Sakamál: Neyðaróp um kvöld
Fókus
Fyrir 5 dögum

Stjörnuspá vikunnar – „Veðrið speglast í þér og ég held að það sé rigning mest alla vikuna“

Stjörnuspá vikunnar – „Veðrið speglast í þér og ég held að það sé rigning mest alla vikuna“
Fókus
Fyrir 5 dögum

Daði Freyr tekur Jaja Ding Dong „í fyrsta og eina skiptið“

Daði Freyr tekur Jaja Ding Dong „í fyrsta og eina skiptið“
Fókus
Fyrir 1 viku

Bríet komin með kærasta – Nældi sér í gítarleikara Kaleo

Bríet komin með kærasta – Nældi sér í gítarleikara Kaleo
Fókus
Fyrir 1 viku

Óttaðist að enda sem versta martröð súkkulaðinuddarans

Óttaðist að enda sem versta martröð súkkulaðinuddarans
Fókus
Fyrir 1 viku

Vikan á Instagram: „Var að læra að taka bossa speglamynd 24 ára“

Vikan á Instagram: „Var að læra að taka bossa speglamynd 24 ára“
Fókus
Fyrir 1 viku

Svala Björgvins einhleyp á ný

Svala Björgvins einhleyp á ný