Það kom í hlut bandaríska leikarans og kvikmyndagerðarmannsins Will Ferrell að tilkynna hver hefði borið sigur úr býtum í íslensku símaskosningunni í þættinum „Eurovision-gleði – Okkar 12 stig“ yfir þau lög sem áttu að keppa í Euvorvision í ár, en keppninni var sem kunnugt er aflýst vegna kórónuveirufaraldursins.

Var það Ítalía sem bar sigur úr býtum og fékk 12 stigin frá Íslandi. Rússland varð í öðru sæti með 10 stig.

Will Ferrell sagðist elska land og þjóð og sérstaklega Húsavík. Einnig hrósaði hann Ragnhildi Steinunni og Jóni Jónssyni fyrir fegurð sína.

„Halló Ísland! Þetta er Will Ferrell, hvernig hafið þið það? Halló Jón, halló Ragnhildur, þakka ykkur, þið eruð svo falleg. Ég vil þakka ykkur fyrir fallegan þátt. Það er mér mikill heiður að kynna hvert tólf stigin frá Íslandi fara. Ég trúi því ekki að ég fái að gera þetta. Það var æðislegt að taka kvikmyndina í landinu ykkar. Hversu falleg þjóð, hversu fallegt fólk og hversu fallegur bær, Húsavík! Guð minn góður, við elskuðum staðinn.“

Grínistinn heimsfragi mun fara með hlutverk íslendings í kvikmyndinni Eurovision, sem mun einmitt fjalla um þátttöku Íslands í keppninni.